Իսլամական պետութիւնը կործանեց չորրորդ դարու ասորական մենաստանը` Մար Պեհման ու այրեց անոր ձեռագրերը։

(Ռ.Վ. 18 հոկտեմբեր 2014) ''Իսլամական պետութեան ծայրայեղականները վար առած են Մար Պեհման ասորական մենաստանի խաչն ու այրած են անոր ձեռագրերը'', յայտնած է ասորի կաթողիկէ հայր Շարպել, որ մինչեւ 2011-ին եղած էր վերոյիշեալ մենաստանին վանահայրը ։
Մար Պեհմնան մենաստանը կը գտնուի ոչ հեռու Քարաքոշ քաղաքէն։ Անցեալ 20 յուլիսին ծայրայեղ մահմետականները վտարած են վանականները ու հոն գտնուող բոլոր ընտանիքները։ Մար Պեհման մենաստանը կառուցուած է չորրորդ դարուն եւ կը նկատուի ասորի եկեղեցւոյ հնագոյն պաշտամունքի վայրը։